F1 Grand Prix sa China suspendido na din dahil sa banta ng COVID-19

Sinuspinde na ang pagdaraos ng Chinese Grand Prix ng Formula One.

Gaganapin dapat ang F1 race sa April 19 sa Shanghai, China.

Pero nagpasya ang Formula One at ang governing body na FIA na huwag na itong ituloy.

Ito ay dahil sa pagkakaroon ng banta ng coronavirus disease hindi lang sa China kundi sa iba pang panig ng mundo.

Base sa pahayag, maaring ituloy na lang ang Grand Prix sa ibang petsa o bago matapos ang taon.