Ilang lugar sa bansa nakapagtala pa rin ng malamig na temperatura ngayong umaga

Malamig pa rin ang temperatura sa malaking bahagi ng bansa ngayong araw sa kabila ng bahagyang paghina ng amihan.

Kabilang sa nakapagtala ng mababang temperatura alas 5:00 ng umaga ngayong Huwebes (Feb. 13) ang mga sumusunod na lugar:

PAGASA Science Garden, QC – 20.8 degrees Celsius
Baguio City – 12 degrees Celsius
Tanay, Rizal – 19 degrees Celsius
Laoag City – 20.2 degrees Celsius
Clark, Pampanga – 20.6 degrees Celsius

Ayon kay PAGASA weather specialist Joey Figuracion, bahagyang humina ang amihan, pero sa susunod na linggo ay muling mararamdaman ang bugso nito.

Tatagal ang pag-iral ng amihan sa bansa hanggang sa matapos ang buwan ng Pebrero.