8 bagong bagon ng PNR dumating na sa bansa

Walo pang bagong bagon ng Philippine National Railways (PNR) ang dumating na sa bansa.

Ang walong bagong bagon na bubuo sa dalawang bagong tren ng PNR ay dumating na sa port of Manila at nakatakdang dalhin sa PNR Depot.

Ang mga bagon ay 8100 series ng Diesel Multiple Unit (DMU) at bahagi ng biniling bagong bagon ng PNR.

Sa sandaling makabiyahe na ang dagdag na dalawang tren ay maseserbisyuhan nito ang 1,000 mga pasahero kada araw at gagamitin ito sa rutang Tutuban to Alabang.

Sasailalim muna sa 150 oras na validation test ang tren bago gamitin para sa commercial operations.