Karagdagang 65 sakay ng dumaong na cruise ship sa Japan, nagpositibo sa nCoV

By: Angellic Jordan - 5 years ago

Nagpositibo sa 2019-novel coronavirus (nCoV) ang karagdagang 65 sakay ng dumating na Diamond Princess cruise
ship sa Japan.

Sinabi ng health ministry sa bansa na lumabas sa isinagawang pagsusuri na 65 sa 103 katao ang positibo sa nasabing
sakit.

Dahil dito, umabot na sa kabuuang 135 ang kaso ng nCoV sa cruise ship.

Hindi naman inilabas ng mga otoridad kung ano ang nasyonalidad ng mga apektado ng sakit.

Matatandaang isinailalim sa quarantine ang Diamond Princess matapos makitaan ng virus ang dating pasahero nito.