Pero ayon kay Presidential Spokesman Salvador Panelo, dapat lamang tiyakin na sa mga pampublikong ospital magpapagamot ang mga persons under investigation o PUI.
Sagot aniya ng gobyerno ang mga test, confinement, gamot at iba pang hospital-related expenses ng pasyente.
Ayon kay Panelo, ibang usapan na kung sa pribadong ospital magpapagamot ang mga PUI dahil tiyak na mapapagastos na sila.
Kahapon lamang dumating sa bansa ang 30 Filipino mula China at isinailalim sa 14 na araw na quarantine period sa New Clark City sa Tarlac.
Ayon kay Panelo, wala ring dapat na ikabahala ang 30 Filipino na umuwi dahil sagot din ng pamahalaan ang gastusin nila.