Water level sa Angat dam muling sumampa sa 203-meter level

Umabot muli sa 203-meter level ang antas ng tubig sa Angat dam.

Dahil sa naranasang pag-ulan nitong weekend, nadagdagan ang antas ng tubig sa Angat dam at ngayong alas 6:00 ng umaga ito ay nasa 203.03 meters.

Gayunman, malayo pa rin ito sa normal high water level ng dam na 212 meters.

Wala namang pagbabago sa antas ng tubig sa Ipo dam na nasa 100.18 meters.

Habang ang La Mesa dam ay bahagya pang nabawasan at nasa 77.76 meters na lang.

Nabawasan din ang water level ng San Roque, Pantabangan, at Magat dams.

Habang nadagdagan naman ang water level ang Ambuklao, Binga, at Caliraya dams.

Read more...