PUIs sa 2019-nCoV umakyat na sa 284 – DOH

By: Dona Dominguez-Cargullo - 4 years ago

Umakyat na sa 284 ang bilang ng mga napasama sa patients under investigation (PUIs) ng Department of Health (DOH) dahil sa 2019 novel coronavirus (2019-nCoV).

Ayon sa DOH, sa 284 na bilang ng mga PUI, 240 ang na-admit sa ospital, 15 ang tumanggi na magpa-admit at 24 ang nakalabas na ng pagamutan.

Nananatili namang tatlo ang kumpirmadong kaso ng 2019-nCoV na pawang Chinese nationals kung saan isa dito ang nasawi.

Karamihan sa mga PUI ay nasa NCR na umabot sa 98, sumunod ang CALABARZON at Central Luzon na mayroong tig-25 bilang ng PUIs.