Sunog, sumiklab sa isang residential area sa Pasig City

Sumiklab ang sunog sa isang residential area sa Pasig City, araw ng Sabado.

Ayon sa Pasig City Disaster Risk Reduction and Management Office (DRRMO), tinupok ng apoy ang residential area sa bahagi ng Pinalad Road sa Centennial 2, Barangay Pinagbuhatan.

Umabot ang sunog sa ikalawang alarma bandang 1:43 ng hapon.

Sinabi ni Supt. Douglas Guiyab mula sa Bureau of Fire Protection (BFP) na idineklarang fire out sa lugar bandang 2:14 ng hapon.

Sa ngayon, inaalam pa ng mga otoridad kung ano ang dahilan at halaga ng pinsala bunsod ng sunog.