PUV drivers pinaalalahanan ng LTFRB sa pagsusuot ng mask kapag bumibiyahe

Nagpaalala ang Land Transportation Franchising and Regulatory Board (LTFRB) ang mga driver ng PUVs na magsuot ng mask kapag nasa biyahe.

Ang LTFRB ay naglabas ng memorandum circular na nag-aatas sa lahat ng driver ng pampublikong mga sasakyan na magsuot ng mask.

Layon nitong maiwasan ang pagkalat ng virus ngayong may banta ng 2019 novel coronavirus sa bansa.

Kung walang mabiling surgical masks maari namang gumamit ng anumang uri ng pantakip sa bibig ang mga driver lalo na kung sila ay uubo o babahing.

Iniutos din ng LTFRB ang paglalagay ng hand sanitizers sa mga terminal para magamit ng mga pasahero.