Ang mga pasahero ay dumating sa pagitan ng February 2 hanggang February 6, 2020.
Base sa datos ng paliparan 88 Pinoy galing China at SAR nito ang dumating sa Cebu noong February 2; 17 noong February 3; 27 noong February 4; 10 noong February 5; at 8 noong February 6.
Ayon kay MCIA Authority general manager, Atty. Steve Dicdican, mayroong ilang pasahero ang dinala sa quarantine facilities, pero hindi lalagpas sa 10 ang kanilang bilang.
Karamihan sa mga pasaherong dumating ay residente ng Cebu kaya pinayuhan silang magsagawa ng
home quarantine.
Mayroong designated holding area sa Terminal 2 ng Mactan Airport bago sila payagang umuwi ng bahay kung sila ay taga-Cebu o kaya ay dadalhin sa quarantine area kung hindi sila taga-Cebu.