Magnitude 6.1 na lindol tumama sa Davao Occidental

By: Dona Dominguez-Cargullo - 5 years ago

Niyanig ng magnitude 6.1 na lindol ang bayan ng Jose Abad Santos sa Davao Occidental.

Naganap ang pagyanig alas 9:40 ng gabi ng Huwebes, Feb. 6 sa layong 118 kilometers southeast ng Jose Abad Santos.

May lalim na 20 kilometers ang lindol at tectonic ang origin nito.

Naitala ang sumusunod na intensities:

Intensity IV – Glan, Sarangani
Intensity III – Alabel, Sarangani; General Santos City; Davao City
Intensity II – Tupi, South Cotabato; Magsaysay, Davao Del Sur

Unang sinabi ng Phivolcs na magnitude 6.4 ang tumamang lindol pero kalaunan ay ibinaba ito sa 6.1.