Barangay Emergency Response Teams pupulungin ni QC Mayor Joy Belmonte para paghandaan ang nCoV

Nakatakdang makipagkita ngayon ni Mayor Joy Belmonte sa lahat ng Barangay Emergency Response Teams upang matiyak na nakahanda ang Quezon City sa paghawak ng kaso ng 2019 novel coronavirus.

Ang pagpupulong ay gagawin sa Basketball covered Court, Quezon Memorial Circle, mamayang 1:30 ng hapon ngayong araw.

Una nang sinabi ni Mayor Joy, na sasanayin rin niya ang mga barangay sa pagtungon kung sakaling may hinihinalang kaso ng nCoV sa kanilang nasasakupan.

Hinikayat naman niya ang mga taga lungsod na tumawag 122 kung sakaling sa pakiramdam nila na sila ay may sintomas ng nCoV lalo na kung galing sila sa mga bansa na may positibong kaso ng novel coronavirus.