Aabot sa 2,000 pamilya naapektuhan ng sunog sa Sulu

Tinupok ng apoy ang tatlong barangay sa Jolo sa Sulu, alas-9 ng umaga ng Lunes ( February 3).

Ayon sa Bureau of Fire, sa isang bunkhouse nagsimula ang apoy hanggang sa kumalat na ito sa 2 pang kalapit na barangay.

Naapula ang apoy ala-1 ng hapon kung saan aabot sa 2,000 pamilya ang naapektuhan ng sunog.

Ayon naman kay Preciosa Chiong ng Red Cross Sulu, nagpaabot din sila ng tulong at ang Philippine Coast Guard sa mga biktima ng sunog.

Inaaalam pa ng mga otoridad ang kabuuang halaga ng natupok ng sunog.