25 percent ng Manila Water binili ng Razon group

Binili ng Razon group na Prime Metroline Holdings Inc. ang 25 percent ng Manila Water Co. Inc. ng Ayala.

Sa P10.7-billion deal ay binibili ng Razon group ang 820 million common shares ng Manila Water.

Inanunsyo ni Manila Water chair Fernando Zobel de Ayala ang partnership nito sa Razon group.

Sa pahayag, sinabi ng chairman ng Manila Water na sa pagsasanib pwersa ay inaasahang makakamit ng Manila Water ang long-term goal nito para makapagbigay ng sustainable water at wastewater services sa mga customer sa East Zone ng Metro Manila.

Makatutulong aniya sa kumpanya ang matagumpay na global operations ng mga Razon sa ekonomiya hindi lamang sa Pilipinas kundi sa Asia Pacific, Latin America, Middle East at Africa .