Isang pulis, patay nang sumalpok ang sasakyan sa puno sa Ilocos Norte

Patay ang isang pulis matapos sumalpok ang sasakyan nito sa isang puno sa bayan ng Banna sa Ilocos Norte kaninang madaling araw.

Kinilala ang biktima na si PO1 Jaymar Macugay, bente sais anyos.

Ayon sa mga imbestigador, namatay si Macugay dahil sa malubhang sugat na natamo ng kanyang ulo.

Nabatid na sumalpok ang sasakyan ni Macugay sa isang puno sa madilim na kalsada sa bayan ng Banna kaninang alas dos ng madaling araw.