Mahihinang pagbuga ng abo, naitala sa Bulkang Taal

Patuloy pa rin ang aktibidad ng Bulkang Taal.

Sa Taal volcano bulletin bandang 8:00 ng umaga, sinabi ng Phivolcs na naglalabas pa rin ang bulkan ng puting usok na may taas na 50 metro.

Umabot naman sa 65 tonnes kada araw ang naitatalang sulfur dioxide (SO2) emission.

Samantala, nakapagtala ang Taal Volcano Network ng 182 volcanic earthquakes kabilang ang isang low-frequency event at isang harmonic tremor na tumagal ng tatlong minuto.

Nananatili pa rin sa Alert Level 3 ang Bulkang Taal.

Ibig-sabihi, sinabi ng Phivolcs na posible pa ring makaranas ng weak phreatomagmatic explosions, volcanic earthquakes, ashfall, at lethal volcanic gas expulsions na maaaring makaapekto sa Taal Volcano Island.