P1M halaga ng illegal na droga nasabat sa buy-bust operation sa Quezon City, 1 arestado

Arestado ang isang lalaki sa buy-bust operation ng Batasan Police sa Barangay Payatas A, Quezon City, hapon ng Miyerkules (January 29).

Nakilala ang suspek na si alyas Dennis na nasa drug watchlist at nakulong na din dahil sa droga.

Ayon kay Police Lt. Col. Romulus Gadaoni ng Quezon City Police District Station 6, ang suspek ay isa sa mga nagsusuplay ng ilegal na droga sa Everlasting St. at pawang mga driver ang kanyang mga parokyano.

Nasabat sa suspek ang 150 gramo ng hinihinalang shabu na tinatayang nagkakahalaga ng P1M piso.

Aminado naman si alyas Dennis na isa siyang tulak ng ilegal na droga.

Nahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.