Batang Brazilian sa Palawan nag-negatibo sa inisyal na pagsusuri sa novel coronavirus

Negatibo sa novel coronavirus ang batang Brazilian na isinailalim sa isolatation sa isang ospital sa Palawan.

Ayon kay Dr. Mario Baquilod, direktor ng Department of Health (DOH) sa MIMAROPA, sa inisyal na test na ginawa sa sampung taong gulng na bata ay nag-negatibo ito.

Pagkatapos ng inisyal na test, sinabi ni Baquilod na nagsagawa pa ng confirmatory test sa bata.

Sa ngayon ay hinihintay pa ang resulta ng confirmatory test bago makapaglabas ng discharge order sa bata.