Nakahandusay na nang madatnan ng kanilang kaanak si Norma Camposano at ang anak niyang si Gloria Camposano sa kanilang bahay sa St. Agatha Homes sa Brgy. Tikay sa Malolos, na pawang mga tama ng bala ang ikinamatay.
Narinig umano ng mga kapitbahay ang mga putok ng baril na nanggaling sa loob ng bahay ng mag-ina ganap na alas-4:30 ng hapon.
Nang rumesponde ang mga pulis, natagpuan sa crime scene ang isang 9-mm na baril na hinihinalang mismong ginamit ng suspek sa pagpatay sa dalawang biktima.
Pinaghahanap ngayon ng mga pulis si Rommel Layug na asawa umano ni Gloria, na madalas umanong lumuluwas ng Maynila.