Ilang barangay sa QC mawawalan ng suplay ng tubig mula Huwebes ng gabi hanggang Biyernes ng umaga
Sampung oras na mawawalan ng suplay ng tubig ang ilang mga barangay sa Quezon City simula sa Huwebes ng gabi hanggang sa Biyernes ng umaga.
Sa abiso ng Maynilad, alas 8:00 ng gabi ng Huwebes (Jan. 30) hanggang alas 6:00 ng umaga ng Biyernes (Jan. 31) ang water service interruption .
May isasagawa kasing maintenance activity ang Maynilad sa lugar.
Kabilang sa maaapektuhan ang sumusunod na mga barangay:
– Nagkaisang Nayon (maliban sa FB De Jesus, Jona Ville, at Interville Subd.)
– Gulod (maliban sa Senading St., Nenita St., at Masay St.)
– Santa Monica (Santiago Subd.)
– San Agustin (TS Cruz Subd., Heavenly Drive at Patnubay)
– Novaliches Proper (buong barangay maliban sa Mendoza Cmpd., Millionaires Subd., at AUstria St.)
Pinayuhan ang mga residente na mag-ipon ng sapat na suplay ng tubig na kanilang kakailanganin sa mga oras na mayroong service interruption.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.