Hanggang P66 rollback sa kada tangke ng LPG ipatutupad ng mga kumpanya ng langis sa Pebrero

Sasalubungin ng rollback sa presyo ng liquified petroleum gas (LPG) ang pagpasok buwan ng Pebrero.

Epektibo February 1, 2020 araw ng Sabado ay may rollback na ipatutupad sa presyo ng LPG na maglalaro sa pagitan ng P4 hanggang P6 kada kilo.

Mangangahulugan ito ng P44 hanggang P66 na rollback sa kada 11-kilogram LPG cylinder.

Ayon sa Department of Energy (DOE) bumaba ang halaga ng produktong petrolyo sa world market.

Nabawasan kasi ang pagbiyahe dahil sa coronavirus scare kaya bumaba din ang demand sa produktong petrolyo.