Rollback sa presyo ng produktong petrolyo epektibo na

Epektibo na alas 6:00 ngayong umaga ang rollback sa presyo ng produktong petrolyo ng mga kumpanya ng langis.

May bawas na 30 centavos sa kada litro ng gasolina, 40 centavos sa kada litro ng diesel, at 35 centavos sa kada litro ng kerosene ang mga kumpanyang Shell, Petron, at Flying V.

Ang mga kumpanyang Chevron at SeaOil ay nauna nang nagpatupad ng rollback alas 12:01 ng madaling araw.

May parehong halaga ng rollback sa diesel at gasolina ang mga kumpanyang Total, Phoenix Petroleum, PTT, Petro Gazz at Cleanfuel.

Ayon sa Department of Energy (DOE) ang dahilan ng rollback ay bunsod ng paghina ng demand ng langis sa China dahil sa coronavirus scare.