Manny Pacquiao, iba pang PH celebrities nagluksa sa pagpanaw ni Kobe Bryant

Kabilang si People’s Champ, Senator Manny Pacquiao sa nagluksa sa pagpanaw ni Kobe Bryant.

Sa kaniyang social media accounts ay ibinahagi ni Pacquiao ang larawan habang kasama niya si Bryant.

Ayon kay Pacquiao, nawalan ang mundo ng isang “legend” subalit ang legacy ni Bryant ay mananatili.

Nilagyan din niya ito ng hashtag na RIPMAMBA.

Nag-umapaw din ang pakikiramay sa pagpanaw ni Bryant mula sa mga celebrities ng Pilipinas.

Kabilang sa mga nag-tweet ng pakikiramay sina Anne Curtis, Gary Valenciano, Ruffa Gutierrez, KC Concepcion at Arnel Pineda.