20 sugatan sa pagsabog ng granada sa Afghanistan

Hindi bababa sa 20 katao ang sugatan sa pagsabog ng granada sa isang kasal sa Afghanistan, araw ng Sabado.

Sa isang panayam, sinabi ni Adel Haider, tagapagsalita ng hepe ng eastern Khost province police, kabilang sa mga sugatan ang ilang kabataan kung saan isa ang nasa kritikal na kondisyon.

Nangyari ang pagsabog sa kasagsagan ng isang wedding ceremony sa lugar.

Sa ngayon, wala pang umaako ng responsibilidad sa nasabing insidente.

Patuloy din aniya ang isinasagawang imbestigasyon ng mga otoridad para malaman ang motibo sa pag-atake.