Mga bangka sa Taal Lake pinag-aalis ng coast guard

Pinag-aalis ng Philippine Coast Guard (PCG) ang mga bangka na nasa Taal Volcano.

Ito ay bilang pagtugon sa memorandum ng Department of Interior and Local Government (DILG) Region IV – A na nagdedeklara ng mga lugar na sakop ng high-risk areas bunsod ng nagpapatuloy na aktibidad ng Bulkang Taal.

Ayon sa Coast Guard, kahapon ay umabot sa 16 na motorbancas ang inalis nila sa Taal Lake para masigurong hindi ito magagamit ng mga mangingisda at mga residente.

Ang buong coastline ng Taal Lake ay sakop ng high-risk area.

Dinala sa ligtas na lugar ang mga inalis na bangka.