P23M na halaga ng shabu nakumpiska sa dalawang babaeng Thai nationals sa Pasay

Arestado ang dalawang Thai Nationals na babae sa ikinasang buy-bust operation sa Pasay City.

Kinilala ng Pasay City Police ang mga suspek na sina Narumon Sukkato at Kanokrat Jampangoen.

Unang naaresto si Sukkato, 30 anyos sa MOA Complex sa Pasay City habang ang isa pang suspek ay nadakip sa ikinasang follow up operation.

Ayon kay Jampangoen, isang kaibigan nila sa Thailand ang nag-utos sa kanila na makipagkita sa isang babae sa Pilipinas at ibigay ang backpack.

Hindi umano nila alam na droga pala ang laman ng bag.

Tinatayang aabot sa P23 million ang kabuuang halaga ng mga nakumpiskang shabu sa dalawa.