P680,000 halaga ng shabu, nasabat sa Cebu City

Nasamsam ng Philippine Drug Enforcement Agency Central Visayas (PDEA RO7) ang P680,000 halaga ng hinihinalang shabu sa ikinasang buy-bust operation sa Cebu City, Miyerkules ng hapon.

Ayon sa PDEA RO7, nagresulta rin ang operasyon sa pagkakaaresto sa high-value target na si Jemboy Bistos, 22-anyos.

Isinagawa ang operasyon sa bahagi ng Corner Balaga, A. Lopez Street sa Barangay Labangon bandang 4:30 ng hapon.

Maliban sa ilegal na droga, nakumpiska rin sa suspek ang isang cell phone.

Kasong paglabag sa Comprehensive Dangerous Drugs Act of 2002 ang isasampa laban sa suspek.