Nasawi sa bagong strain ng coronavirus sa China umakyat na sa siyam

Umakyat na sa siyam ang bilang ng mga nasawi sa China dahil sa bagong strain ng coronavirus.

Ayon sa Chinese National Health Commission, maliban sa siyam na nasawi, umabot na sa 440 ang bilang ng mga naapektuhan ng sakit.

Mula sa Wuhan City kung saan unang kumalat ang sakit ay umabot na sa ibang lugar sa China ang bagong strain ng coronavirus na maituturing na kahalintulad ng SARS.

Habang nakapagtala na rin ng mga kaso sa iba pang bansa sa Asya, gayundin sa Amerika at sa Australia.