Temperatura sa Baguio City ngayong umaga bumagsak sa 11.4 degrees Celsius

Nakapagtala ng malamig na temperatura sa Baguio City ngayong umaga ng Miyerkules, Jan. 22, 2020.

Ayon sa Office of the Civil Defense sa Cordillera, naitala angs malamig na 11.4 degrees Celsius sa Baguio City alas 5:00 ng umaga.

Dahil dito, patuloy ang paalala ng OCD sa mga residente at turista sa lungsod na magsuot ng makakapal na damit.

Ipinapayo din ang pagsusuot ng hat, mittens at scarf.

Una nang sinabi ng PAGASA na apektado na ng Amihan ang buong bansa kaya aasahan na ang paglamig ng temperatura.