53 empleyado ng Pasig City Hall na mahigit 20 taon nang contractual, na-regular na

Makalipas ang mahigit 20 taon na pagtatrabaho bilang mga contractual o casual employee ay na-regular na rin sa wakas ang mahigit 50 empleyado ng Pasig City Hall.

Ayon kay Pasig City Mayor Vico Sotto, nagsimula ang regularisasyon sa mga empleyado ng Citiy Hall.

Karamihan sa kanila, mahigit 20 taon nang nagtatrabaho sa City Hall bilang casual employees.

Umabot sa 53 empleyado ang na-regular na, kasama ang empleyadong si Roberto Rodrigo na 43 taon nang casual.

Ayon kay Sotto, kabilang ito sa nagging pangako niya noong kampanya na aalisin ang palakasan o patronage sa City Government.

Matagal na aniyang tinatakot ang mga empleyado ng City Hall na kung hindi iboboto ang nakaupo ay hindi sila mareregular sa trabaho.