Mga Pinoy sa Moscow pinag-iingat dahil sa mga bomb threat

Pinag-iingat ng embahada ng Pilipinas sa Russia ang mga Filipino sa Moscow dahil sa bantang may sasabog na bomba.

Sa abiso ng embahada, lahat ng Filipino ay hinimok na sumunod sa mga babala at abiso ng mga otoridad mula sa Russian Federation.

Ito ay hinggil sa sunud-sunod na bomb threats sa buong Mosvow, partikular sa ‘Metro’ area, mga paaralan, shopping malls, mga korte at iba pang pampublikong mga lugar.

Bagaman napapaulat na peke ang mga bomb threat nakasaad sa abiso ng embahada na dapat tiyakin ang kaligtasan ng bawat isa.

Kung mayroon umanong mga utos na lumikas ang mga apektadong lugar ay agad itong sundin.