Pangulong Duterte, pumayag na ituloy pa rin ang implementasyon ng motorcycle taxi pilot run – Sen. Go

Inihayag ni Senador Christopher “Bong” Go na pumayag si Pangulong Rodrigo Duterte na tuloy pa rin ang implementasyon ng motorcycle taxi pilot run.

Sa panayam ng mga mamamahayag, sinabi ni Go na pumayag ang pangulo na sa ngayon, huwag munang ituloy ang paghuli habang wala pang amendments sa nasabing batas.

Kasabay ng pagsuporta sa motorcycle-for-hire services, sinabi ng senador na kaligtasan pa rin ng bawat pasahero ang importante.

Kailangan aniyang sundin ng bawat motorcycle rider ang safety nets at dapat marami nang karanasan ang rider bilang drayber.

Matatapos na dapat ang pilot run noong December 26, 2019 na nagsimula noong buwan ng Hunyo.

Ngunit, pinalawig ito hanggang sa March 23, 2020.