40 pamilya sa Hermosa, Maynila, nasunugan

Natupok ng apoy ang isang residential area sa Manuguit, Hermosa sa Maynila kagabi.

Naiulat ang sunog 7:56 ng gabi at itinaas agad ito sa third alarm, at umabot pa sa fourth alarm dakong 8:18 ng gabi.

Tinatayang nasa 40 pamilya ang nasunugan, at nasa P2 milyon naman ang halagang napinsala dahil dito.

Tumagal ng halos dalawang oras ang sunog at naitalang naapula na pagdating ng 9:42 ng gabi.

Inaalam pa ng Bureau of Fire Protection ang sanhi ng sunog.