Taal bakwit hinimok ni Pangulong Duterte na lumipat sa Davao

Personal na hinikayat ni Pangulong Rodrigo Duterte ang mga taga-Batangas na lumipat na lamang ng Davao.

Ito ay kung patuloy na mag-aalburuto ang bulkang Taal.

Sa pagbisita ng pangulo kahapon sa mga bakwit sa Sto. Tomas, Batangas, sinabi nito na malawak pa naman ang lupa sa Davao.

Marami rin naman aniya ng mga Batangieno ang naninirahan na sa Davao.

Pero babala ng pangulo, may bulkan din sa Davao. Ito ay ang Mount Apo na pinakamalaking bulkan sa Pilipinas.

Pero ayon sa pangulo hindi naman aktibo ang bulkang Apo gaya ng bulkang Taal.