Rollback sa presyo ng produktong petrolyo epektibo na

Epektibo na ngayong umaga ang rollback sa presyo ng produktong petrolyo.

May rollback na P1.70 sa kada litro ng diesel, P1.65 sa kada litro ng kerosene at 84 centavos sa kada litro ng gasolina ang mga kumpanyang Petron, Chevron, Shell, Flying V at Seaoil.

May parehong halaga ng rollback sa diesel at gasolina ang Eastern Petroleum, PTT, Petro Gazz.

Alas 6:00 ng umaga naging epektibo ang bawas presyo ng mga kumpanya ng langis.

Mas malaki naman ng bahagya ang rollback ng Cleanfuel sa gasolina na 90 centaovos at epektibo na ito alas 4:01 ng hapon noong Linggo (Jan. 19).