Bilang ng nasawing evacuees sa pagputok ng Bulkang Taal umakyat na sa apat

Umakyat na sa apat ang bilang ng mga nasawing evacuees kasunod ng pagputok ng Bulkang Taal.

Ito ay makaraang masawi sa aksidente ang isang evacuee na mula sa Cuenca, Batangaas.

Ayon sa ulat ng Quezon Police Provincial Office, sakay ng kaniyang motorsiklo si Larry Montalvo kasama ang asawa at kaniyang apo nang mabangga sila sa pamasaherong bus.

Nasawi naman habang nasa evacuation center sa Batangas ang evacuee na si Benny Mendoza matapos atakihin sa puso.

Una rito ay punanaw din noong Sabado dahil sa heart attack ang 57 anyos na si Felina De Roxas.

Habang ang 72 anyos na si Zenaida Ortilla na mula sa Talisay, Batangas ay nasawi sa evacuation center kahapon ng umaga.