Dating opisyal ng barangay patay, isa pa sugatan matapos pagbabarilin sa loob ng basketball court sa QC

Nasawi ang isang dating opisyal ng barangay matapos itong pagbabarilin sa loob ng basketball court ng Barangay Veterans sa Bansalangin corner Calumpit sa Project 7 sa Quezon City, gabi ng Lunes (January 20).

Ang biktima na 38 anyos ay residente ng Barangay San Jose sa Quezon City.

Ayon kay Masambong Police Chief Police Lt.Col. Rodrigo Soriano, nakaupo lamang ang biktima sa bleachers ng court nang malapitang barilin ng hindi pa nakikilalang salarin.

Ang suspek ay nakasuot ng itim na jacket at itim na helmet na agad tumakas sakay ng motorsiklo matapos ang pamamaril.

Nasawi ang biktima dahil sa tinamong tama nh bala habang isinugod naman sa ospital ang katabi nito nang tamaan ng ligaw na bala sa likod.

Inaalam na ng mga otoridad ang motibo sa krimen.