Agoncillo, Batangas niyanig ng lindol

Tumama ang magnitude 3.2 na lindol sa Agoncillo, Batangas Linggo ng umaga.

Batay sa impormasyon ng Phivolcs, namataan ang episentro ng lindol sa 6 kilometers Northwest ng nasabing bayan bandang 10:20 ng umaga.

May lalim ang lindol na 21 kilometers at volcanic ang dahilan.

Gayunman, sinabi ng Phivolcs na walang napaulat na pinsala sa lugar.

Wala ring inaasahang aftershocks matapos ang pagyanig.