Antas ng tubig sa Angat Dam, nabawasan

Bahagyang nabawasan ang antas ng tubig sa Angat Dam sa nakalipas na 24 oras.

Sa datos ng PAGASA Hydrology Division bandang 6:00 ng umaga, bumaba sa 203.97 meters ang lebel ng tubig sa nasabing dam.

Mas mababa ito kumpara sa 204.03 meters noong araw ng Biyernes, January 17.

Maliban dito, nabawasan din ang antas ng tubig sa La Mesa, Ambuklao, San Roque, Pantabangan, Magat at Caliraya Dams.

Tanging nadagdagan ang tubig sa Binga Dam.

Nananatili naman sa 101.10 meters ang antas ng tubig sa Ipo Dam.