Komedyanteng si Dave Chappelle, nag-donate ng P1-M sa mga biktima ng pagsabog ng Taal

Nagbigay ng donasyon ang American comedian na si Dave Chappelle para sa mga biktima ng pag-alboroto ng Bulkang Taal.

Kasabay ng pananatili para sa shows sa bansa, iniabot ni Dave ang P1 milyong donasyon sa Rayomar Management Inc.

Sa Instagram, inanunsiyo ang donasyon ng komedyante ni Katrina Razon.

Makikita sa ibinahaging larawan ni Katrina ang tseke na iniabot sa Rayomar Outreach Foundation para sa mga apektado ng pagsabog ng bulkan.

Bumisita si Dave sa bansa para sa dalawang show na ginanap sa Solaire Resort sa Maynila noong January 14 hanggang 15.