Engineer nahulihan ng mga bala sa MRT-3

Inaresto ang isang engineer makaraang mahulihan ng mga bala sa Taft Avenue station ng MRT-3.

Kinilala ng Pasay City Police ang suspek na si Xavier Sumaya, 26 anyos isang electronics engineer.

Papasok si Sumaya sa Taft Station nang isailalim sa pagsusuri ang kaniyang gamit, Huwebes (Jan. 16) ng gabi.

Nang inspeksyunin ang bag ay nakita ang iba’t ibang uri ng bala sa loob nito.

Ayon sa Pasay Citiy police, bala para sa M203, 45 caliber pistol, M16 rifle at mga bala para sa tatlong iba pang uri ng armas ang nakuha sa suspek.

Dinala si Sumaya sa Pasay City police headquarters para maimbesitgahan.