LOOK: Mga preso sa Gumaca Dist. Jail nagtahi ng face masks para maipamahagi sa mga biktima ng Bulkang Taal

“Nakakulong pero tumutulong”.

Hindi hadlang ang kanilang pagkakabilanggo para makatulong sa mga nasalanta ng pagputok ng Bulkang Taal.

Ang mga babaeng bilanggo sa Gumaca District Jail, tulong-tulong sa pananahi ng face masks para maipamigay sa mga evacuees sa Batangas.

Sa larawan na ibinahagi ng Bureau of Jail Management and Penology (BJMP) makikitang mano-manong nagtatahi ang mga preso para makagawa ng face masks.

Ayon sa BJMP, ang nasabing mga face masks na likha ng mga persons deprived of liberty sa Gumaca ay ipamamahagi sa ginagawang relief operations ng ahensya para sa mga nasalanta ng Bulkang Taal.