Pangulong Duterte muling bibisita sa mga nasalanta ng pagputok ng Bulkang Taal sa Batangas

Babalik sa Batangas si Pangulong Rodrigo Duterte sa susunod na linggo.

Ayon kay Senator Bong Go, sa Lunes muling nakatakda ang pagbisita ng pangulo sa mga nabiktima ng pagputok ng Taal Volcano.

Pero ayon kay Go wala pang pinal na lugar o evacuation site na pupuntahan ang pangulo sa Lunes.

Noong Martes unang bumisita ang pangulo sa mga evacuees sa Batangas City.

Personal ding namahagi ng relief goods ang pangulo sa mga naapektuhang pamilya.