Konstruksyon ng MRT-7, 50.69 percent nang kumpleto

Mahigit kalahati na ang progreso ng kontstuksyon ng MRT-7.

Ayon sa update mula sa Department of Transportation (DOTr), 50.69 percent nang kumpleto ang itinatayong MRT-7.

Sa ngayon ayon sa DOTr, full blast ang pagtatayo sa siyam na istasyon ng linya ng tren.

Nagpapatuloy din ang pagkakabit sa riles.

Ang MRT-7 ay babaybay mula North Avenue hanggang sa San Jose Del Monte City sa Bulacan.

Inaasahang aabot sa 300,000 hanggang 850,000 na pasahero ang maseserbisyuhan nito sa sandaling maging operational na.