Luzon Grid isinailalim sa Yellow Alert ng NGCP

Nagtaas ng yellow alert ang National Grid Corporation of the Philippines (NGCP) sa Luzon Grid.

Ito ay bunsod ng manipis na reserba ng kuryente sa Luzon ngayong araw ng Huwebes, Jan. 16.

Sa abiso ng NGCP, ang yellow alert ay nagsimulang umiral alas 10:01 ng umaga hanggang alas 11:00 ng umaga.

Muli itong iiral ala 1:01 hanggang alas 4:00 ng hapon at alas 5:01 ng hapon hanggang alas 7:00 ng gabi.

Ang manipis na reserba ng kuryente sa Luzon ay dahil sa naranasang pagpalya ng ilang mga plantang kuryente.