Japan nakapagtala na ng kaso ng coronavirus

Kinumpirma ng pamahalaan ng Japan na nakapagpatala na ito ng unang kaso ng coronavirus.

Ayon sa isang opisyal sa Japan, isang Chinese national na bumiyahe sa Wuhan, Eastern China kamakailan ang nag-positibo sa virus.

Nasa edad 30 ang Chinese national na naninirahan sa Kanagawa Prefecture.

Bumalik ito sa Japan noong January 6, 2020 at nagsimulang makaramdam ng sintomas noong January 10.

Naka-recover naman na ang lalaki at nakalabas na sa ospital.

Ang naturang virus na ang mga sintomas ay kahalintulad ng pneumonia ay nakaapekto na sa maraming indibidwal sa China simula noong Disyembre.