Manila Cathedral tutulungan ang mga magkasintahan na naapektuhan ang schedule ng kasal dahil sa pagputok ng Bulkang Taal

Hindi na dapat malungkot ang mga magkasintahan na ang schedule ng kasal ay apektado ng pagputok ng Bulkang Taal.

Binuksan kasi ng pamunuan ng Manila Cathedral ang opisina nito para sa mga mayroong naka-schedule na kasal sa mga simbahan sa Cavite at Batangas na apektado ng ashfall.

Ayon sa abiso, ang mga mayroong naka-schedule na kasal ng Enero at Pebrero 2020 sa mga apektadong simbahan sa Batangas at Cavite ay handa ang tangapan ng Manila Cathedral sa Intramuros, Maynila na sila ay tulungan.

Kailangan lamang personal na magtungo sa Manila Cathedral office mula alas 8:00 ng umaga hanggang alas 5:00 ng hapon ng Martes hanggang Sabado.