Ayon kay Tarlac Gov. Susan Yap, mayroong mga alagang baboy na nagpositibo sa ASF sa Victoria, Capas, Concepcion at La Paz.
Sinabi ni Yap na isinailalim sa confirmatory test ng regional animal disease diagnostic laboratory ang kinuhang blood samples mula sa mga baboy at nagpositibo ito sa ASF.
Ayon kay Dr. Ma. Lorna Baculanta, provincial veterinarian, hiniling na niya sa agriculture officers na ipatupad ang “1-7-10” quarantine protocol.
Ang mga alagang baboy na nasa loob ng 1-kilometer radius ng apektadong lugar ay kakatayin na kahit ang mga baboy ay walang ASF.
Ang mga nasa loob ng 7-km radius ay isasailalim sa surveillance habang ang nasa loob ng 10-km radius ay sasailalim sa mandatory monitoring.