Gasolina ng eroplano naibagsak sa playground ng eskwelahan, 17 estudyante ang naospital

Labingpitong mag-aaral ang dinala sa ospital matapos bumagsak sa school playground ang itinapong fuel ng isang eroplano.

Ayon sa Los Angeles County Fire Department, naamoy ng mga estudyante ang jet fuel sa paaralan.

Agad rumesponde ang hindi bababa sa 70 bumbero at paramedics sa hindi tinukoy na eskwelahan.

Maliban sa 17 estudyante, mayroong 6 pang adults ang dinala sa pagamutan.

Nabatid na palapag sa Los Angeles International Airport ang isang commercial plane nang mangyari ang insidente.