Mga apektadong tulay at kalsada ng pagsabog ng Taal, maaari nang daanan – DPWH

Maaari nang daanan ang lahat ng apektadong tulay at kalsada bunsod ng pag-alboroto ng Bulkang Taal, ayon sa Department of Public Works and Highways (DPWH).

Sa inilabas na abiso ng DPWH Regional Office No. IV-A bandang 12:00 ng tanghali, maaari nang daanan ng mga motorista ang 18 national roads na naapektuhan ng ash fall.

Patuloy naman ang clearing operations sa 16 kalsada.

Aabot sa 449 tauhan ang itinalaga ng kagawaran sa lugar habang 99 equipment ang ginamit sa operasyon.